J.E Yrausquin Boulevard – Diabierna merdia a surgi un situacion na Holiday Inn Resort, unda cu un persona a bisa cu lo tin un bom.
Esaki tawata suficiente motibo pa autoridad e precaucionnan necesario, activando su Bom Squad.
E camindanan cu ta bay pa dicho hotel a wordo cera, evitando trafico yega si algo bay for di man.
E team lo a sigui e procedura cu nan a wordo getrain pe; pero na final no a bin haya nada.
Lamentablemente mester bisa cu durante cu esaki tawata pasando, turistanan tawata spanta specialmente cu tur e tension cu tin rond mundo unda cu Merca algun siman pasa a avisa tur su ciudadanonan pa ta cauteloso ora cu nan biaha pa exterior.
Algun rato despues, tur cos tawata normal bek y trafico por a pasa bek.
Autoridad muy probablemente lo mester haci nan investigacion pa mira kiko tin tras di un menasa serio manera esaki; cu alabes a causa poco preocupacion bou nos bishitantenan.
