ORANJESTAD – Como parti di e colaboracion cu Holland House Colombia, un grupo prominente di ocho hospital y institutonan di cuido di salud for di Medellín, Colombia ta yegando na Aruba cu un meta cla: pa fomenta colaboracion di salud entre e dos paisnan. Durante nan estadia, nan lo topa cu diferente instituto medico local pa explora sinergianan y haya conocemento personal den e trabou cu ta tumando lugar riba nos isla. E institutonan for di Medellín lo comparti nan conocemento di cuido di salud durante e Feria di Salud cu ta tuma lugar dia 26 di october, 2023, na Hyatt Place Aruba,. #FeriadeSalud
Detayenan di e Feria di Salud
Na e Feria di Salud bo por experencia un intercambio di conocemento di cuido di salud for di Medellín, Colombia. E meta di e evento aki ta pa informa comunidad di Aruba tocante e sector di salud na Antioquia y con esaki por beneficia e habitantenan di nos isla. Ta un oportunidad pa siña tocante avancenan den cuido di salud for di Medellín, un ciudad conoci pa su hospitalnan di calidad cu un maneho sobresaliente di cuido di salud. E feria aki ta un bon forma pa siña di nan exito y conecta cu algun di e mihor institutonan di cuido di salud di Medellín.
Kico por spera na e evento aki?
- Discusionnan informativo tocante practicanan di cuido di salud y integracion di conocemento.
- Oportunidadnan pa establece colaboracion riba e tereno di cuido di salud.
- Conexion cu expertonan di cuido di salud for di Medellín.
- Siña mas tocante e trabounan andando na Aruba.
E evento aki no ta solamente pa esnan cu ta busca servicionan di cuido di salud, sino ta habri pa cualkier persona interesa den e sector di cuido di salud. Nos ta invitabo pa join nos y descubri con bo por mehora bo bienestar. Nos ta warda’bo dia 26 di october na Hyatt Place Aruba. Join nos pa crea lazonan pa cuido di salud y bienestar entre dos pais excepcional. #MedellínenAruba
Mas informacion?
Pa mas informacion, por tuma contacto cu Viviana Hurtado, Consultant di Holland House na [email protected] of na +57 3173400579.
Pa confirma cu Bo ta bay atende e evento, uza e link aki: https://forms.gle/AgZQi9pBFGPFGH6V6