Sabana Basora – Diaranson den oranan di atardi polis y ambulance a bay un cas na Sabana Basora, unda un dama hoben lo no tawata reacciona.
Paramediconan cu a yega mesora a bay unda e dama(21) tawata esta den camber.
Ey nan a ripara cu berdad e dama lo no tawata reacciona y mesora a cuminsa cu CPR, mientras un unidad mas a yega pa yuda.
Polisnan na e sitio tawata trata di consola e mama, cu tawata den un momento di angustia enorme. Mientrastanto a avisa Slachtofferhulp tambe.
Despues di basta intento door di e Paramediconan, no a keda nada otro pa pidi pa un Dokter; cu ta esun cu mester constata morto.
E dama hoben lo no tawata sinti mucho bon ultimamente y ta laga dos yiu chikito atras.
Un palabra di forsa y alabes condolencia ta bay pa e famia.
