Avenida Nelson O.Oduber – Diamars algo prome cu 12’or di merdia polis a bay poco pazuid di e rotonde nobo na Palm Beach, unda cu un auto a drenta e rooi cu ta separa e caminda.
E incidente a sosode ariba e liña cu ta bay pa Playa.
Polis cu a yega e sitio a constata cu tin un dama tras di stuur; y tur cos ta ok cu ne.
Pero, debi na e awa sushi ni polis y tampoco e dama kier a baha aden.
A dicidi e ora di avisa Brandweer. Na yegada bomberonan den un manera rapido a drenta e rooi y saca e dama for di e banda di chauffeur. Dos bombero a carg’e y asina pone sinta na e truck.
Por a mira cu e dama tawata visiblemente spanta y tawata yora. Aunke e no tawata tin ningun herida, a pidi ambulance toch pa haci un control.
E dama tawata bayendo zuid momento cu e la perde control ariba e Kia Picanto y ta kita bay na su man robes y termina den e awa sushi memey di e camindanan.
