L.g.Smith Boulevard/ Adriaan Laclé Boulevard – Diaranson den oranan di anochi caminda a wordo cera ariba L.G.Smith Boulevard y e crusada di Adriaan Laclé Boulevard.
Ningun trafico por a circula for di rotonde Las Americas direccion Cas di Gobernador y vice versa.
E motibo tawata cu autoridad; esta specialistanan di trafico hunto cu Fiscal a bay reconstrui e accidente fatal; cu a sosode diaranson marduga siman pasa.
Manera sa, e dama Luisa Torres(21) a fayece diadomingo ultimo despues di e multiple trauma ricibi di e accidente.
E dia di e accidente e chauffeur di e Kia Rio a wordo deteni, sospecha di lo tawata coriendo auto bou influencia. Pero lo a wordo laga den libertad.
Despues cu e dama a fayece diadomingo den oranan di atardi pa anochi; esaki a pone cu Husticia a bay over na su detencion. Esaki debi cu di berdad e lo tawata coriendo auto bou influencia.
Ariba imagen por mira e chauffeur para durante e reconstruccion; unda e brommer di Cuerpo Policial lo mester a trata di iguala e speed cu BMW(motorcycle) tawata bin cu ne.
