Oranjestad – Diadomingo den oranan di anochi a drenta informacion cu un di e victima nan di e accidente pisa diaranson marduga a fayece. Esaki a sosode crusada Adriaan Laclé Boulevard cu L.G.Smith Boulevard. Tawata trata unda un brommer cu e dama tawata ariba dje a dal frontal contra un auto. E dama tawata sinta patras ariba e brommer BMW.
E dama manera nos a bisa a wordo hiba cu maximo urgencia pa Hospitaal unda cu un team medico tawata cla pa drenta sala di operacion.
Tur esaki a sosode durante oranan di diaranson marduga. Pero lamentablemente e dama su situacion a empeora y ta fayece.
Diadomingo den oranan di anochi polis ta informa cu e Luisa F. TORRES a fayece.
“Un rato pasa informe a yega for di hospital cu Luisa F. TORRES GUTIERREZ
Colombia 16 juli 2002 a fayece y ta bira e di 8 morto den trafico pa loke ta 2023”.
Cuerpo Policial Aruba ta manda palabra di condolencia na famia di e fayecido.
Arubanative.com tambe kier a duna palabra di condolencia y tambe forsa na e famia.