Otro chauffeur bou influencia deteni pa ocasiona un boksmento

Shiribana: Diadomingo den careda di 8’or y 45 di anochi a sosode un boksmento na altura di Loxing Supermarket, Shiribana. E boksmento tabata entre un Chevrolet Spark y un Suzuki SUV.  Polis di trafico a wordo pidi na e sitio.

Na yegada nan a bin compronde cu e chauffeur di e Spark a lora sali dilanti di e Suzuki suv cu tabata biniendo di pariba, sin dun’e preferencia. Tambe a nota cu e chauffeur di e Spark ta bou influencia. Polis mesora a pone supla y e la supla mas cu ta permiti.  Mesora e la wordo deteni y cu transportwagen di polis e la wordo hiba warda di polis.