Sabana Liber: Diadomingo algo despues di 7’or di anochi a sosode un accidente na e T kruising di Sabana Liber pa bay Alto Vista. Chauffeur di un Van blanco tabata biniendo di pabou y a no a regula su velocidad na tempo y a dal patras di un Nissan March cu a caba di sortea pa bira na su man robes pa bay direcion panort.
E impacto tabata basta fuerte cu e dama den e Nissan March a keda herida, mesora a pidi pa polis y ambulance na e sitio. Na yegada nan a bin compronde cu e chauffeur di e Van no a controla su velocidad na tempo y a dal hopi duro patras di e Nissan March. Personal di ambulance a trata e dama na e sitio y despues a transport’e pa hospital.
Polis di trafico tambe a presenta y a haci test cu e chauffeur di e van, e la keda deteni pa a supla hopi mas di locual ta permiti. Transportwagen di polis a transport’e pa Warda di Polis.
