Kamerlingh Onnesstraat – Diabierna anochi rond di 9:30 polis a bay altura di stadion RCA, unda cu 2 homber lo a bringa cu otro.
Señora di un di e hombernan lo a mira con e otro homber a dal su casa despues di un argumento.
E agresor lo a sigui cana bay nort y na yegada di polis nan a bay mesora unda cu algun persona a mustra nan.
Pa nort di e muraya polis a bin topa cu e homber y mesora a wante eynan.
Mientrastanto pazuid di RCA por a mira e homber herida sinta ariba un stoel y algun hende su rond. Ambulance a wordo pidi y tawata na caminda.
Paramediconan na yegada a bay atende cu e homber, e la wordo herida na su pia cu un obheto. Posiblemente e herida lo no tawata mucho serio; debi cu despues cu e Paramediconan a mira e herida nan a bandona e sitio.
Agresor a wordo deteni y transporta pa warda di polis unda e la keda cera.
