Un clarividente, por lo general nos ta considera un persona cu
tin un facultad sobrenatural –clarividencia– cu ta posibilita adivinacion di sucesonan den futuro of e percepcion di acontecimientonan o realidadnan cu nos no por mira.
Clarividencia nunca a keda prueba na un manera concluyente pa ciencia. Un di e desafionan di mas grandi pa prueba clarividencia ta e falta di metodonan cientifico standariza y reproducibel pa por studi’e. Esaki apesar cu ta trata un fenomeno cu a fasina humanidad durante siglonan y te ainda ta hacie.
Ken por jama su mes un clarividente?
Kico e por haci?
Ta un don e tin of ta un engaño?
Kendenan ta acudi serca un clarividente?
Cuanto tin na Aruba?
Tur esaki y muchu mas, lo ser trata dialuna awo den e programa COSNAN STRAÑO.
Abo tin experiencia of conocemento di e topico aki?
Bo ta un clarividente of tin e don di clarividencia?
Of simplemente bo kier sa mas di e tema interesante aki.
Anto bo ta keda cordialmente invita pa mira, scucha y participa den e ultimo edicion pa e temporada aki di e programa COSNAN STRAÑO, atravez di Aruba Native, Canal 22 y Top FM95.