281
E siman aki Minister Maduro di Finansa a reuni cu e Hunta di Comisario cu ta tene bista riba e trabounan cu Banco Central ta haci na bienestar di Aruba. E Hunta ta consisti di e Comisario pa Gobierno sr. Arie Swaen, y Comisarionan sra. Yvonne Escalona, sr. Tico Croes y sr. Ling Wong.
Regularmente e mandatario di Finansa ta reuni cu e Hunta di Comisario pa nan por ta na altura di, entre otro, e maneho financiero di Gobierno.
Na final di e reunion Minister Maduro a gradici sra. Yvonne Escalona pa su aporte valioso durante e ultimo 9 añanan como Comisario den e Hunta di Comisario.