Noord Cura Cabay – Diaranson den oranan di mainta ya birando merdia polisnan di San Nicolas a bay un asistencia na Noord Cura Cabay, unda cu lo tin un problema.
Na prome instante e problema tawata mustra cu un hende homber lo no tawata kier a laga un dama bay.
Algun rato despues polis ta pidi pa slachtofferhulp, unda cu e dama a logra sali pero tawata herida.
Ambulance a wordo pidi na e sitio, unda Paramediconan a tuma e dama over pa dune tratamento.
Segun nos a compronde e dama lo tawata tin golpi na cara.
Na prome instante a pensa cu lo ta trata di un caso di secuestro, unda cu diferente informacion tawata circula bisando cu un homber lo por tin arma di candela cu ne.
E informacion aki posiblemente a sali di e dama mes cu a bin pafo. Ey ta unda cu e caso a bira straño, debi cu si ta enberdad un secuestro con e dama por cana bin afo manera nada un pasa.
Despues di bastante minuut, e supuesto secuestrado(e homber) a cana bin di panort, mientras polisnan tawata pensando cu e ta den e cas.
E homber; ” Ta ami ta esun cu nan ta busca” e la sali di un mondi panort di e cas sin cu polis sa.
Mesora agentenan a bay over na detene y pone den boei.
Unda cu nan a hibe na e transportwagen, unda nan a bay cu ne warda di polis.
A bin resulta cu tawata trata di un problema entre pareha, unda cu den e ora di mainta posiblemente nan lo por a bebe alcohol y di eynan algo a bay for di man.
No ta conoci pa nos si a haya arma di candela ariba e homber, of tawata debi cu e dama tawata bebi y a pensa pa bisa esey.
