Oranjestad –20 di september 2023 – Recientemente Aruba Bank a haci un donacion generoso pa e celebracion di Dia di Brazil, organisa pa Fundacion Chico Harms. Como un banco comprometi den comunidad, Aruba Bank ta sinti orguyoso di sostene eventonan cultural cu ta uni nos comunidad.
Dia di Brazil, un celebracion vibrante y alegre di e bario di Brazil, a bira un evento sumamente anticipa riba calendario anual di Aruba. E aña aki, Aruba Bank ta contento di por a forma parti di e ocasion festivo aki door di contribui na e festividadnan cu ta resalta e cultura colorido di e celebracion di Dia di Brazil.
Den cuadro di nos responsabilidad corporativo, Aruba Bank a sostene diversidad cultural door di sostene eventonan comunitario manera Dia di Brazil. Nos ta kere cu celebracionnan cultural manera Dia di Brazil ta brinda un oportunidad na tur persona pa uni nan experiencia y traha un comunidad mas fuerte.
Nos ta extende nos gratitud na e organisadornan di Dia di Brazil pa nan dedicacion y trabao pa haci e evento aki un realidad. Aruba Bank ta orguyoso di por a forma parti di e celebracion di cultura ariba Dia di Brazil pa asina stimula un sentido di unidad riba nos isla.
