Green Corridor – Diamars anochi pasa di 10:30 ta sosode un accidente ariba Green Corridor, pariba di Young Fellow.
Polisnan cu a yega ta constata cu ta trata di dos auto, entre dos auto marca Toyota. Tambe a tuma nota cu un palo di luz a wordo ranca.
Na e sitio nos a compronde cu e Toyota chikito ta esun cu a ranca e palo di luz y net momento cu esaki a caba di sosode e Yaris tawata pasando.
Chauffeur di e Yaris a topa cu tur locual a keda gespart ariba caminda, poniendo cu e la bay maniobra y e tambe ta perde control dal contra e rails panort di caminda y ta para cara pariba.
Caminda di Balashi pa Sero Tijshi a wordo cera.
Polisnan di trafico a yega e sitio pa haci nan investigacion.
No tawata tin hende herida, pero daño material si ta grandi.