Home » ARUBA MARRIOTT TA CELEBRA E ANIVERSARIO DI SU ASOCIADONAN Y ALABES TA NOMBRA SU ASOCIADONAN Y LIDERNAN CU A DESTACA DURANTE E DI DOS KWARTAAL DI 2023

ARUBA MARRIOTT TA CELEBRA E ANIVERSARIO DI SU ASOCIADONAN Y ALABES TA NOMBRA SU ASOCIADONAN Y LIDERNAN CU A DESTACA DURANTE E DI DOS KWARTAAL DI 2023

by Admin
0 comment 476 views

PALM BEACH, ARUBA – E compleho di Aruba Marriott recientemente a nombra su asociadonan y lidernan cu a briya durante e di dos kwartaal di 2023. E programa di reconocemento aki ta uno sumamente importante pa e compania como un acto di aprecio, den reconoce e esfuerso adicional, alabes celebra e logronan di cada asociado y lider cu a destaca durante e periodo di cada kwartaal.

E asociadonan y lidernan nomina a wordo escohi door di nan supervisor, manager, y e team ehecutivo pa nan excelente trabou y dedicacion. E premionan cu a wordo otorga ta ‘Associate of the Quarter’, ‘Supervisor of the Quarter’ y ‘Manager of the Quarter’ representando e diferente areanan di ‘Front of the House’, ‘Back of the House’ y ‘General’.

Ganadornan di e di Dos Kwartaal di 2023:
o Jean Claudia van der Linden
o Joseph Dieulique
o Nelson Belen
o Olga Madroñero
o Thandy Fradl
o Supervisor Resort Winner: Sherwin Wester
o Supervisor MVW Winner: Felicia Halman
o Manager Resort Winner: Sibella Jansen
o Manager MVW Winner: Kim de Cuba

General Manager di e compleho di Aruba Marriott, Sr. Raoul Lemmerling, hunto cu e team ehecutivo y staf di Aruba Marriott ta orguyoso di tur e nominadonan y ganadornan y ta manda palabra di felicitacion pa cada un di nan cu e logro bunita aki.
Adicionalmente di a celebra e nominadonan di e kwartaal, Aruba Marriott a honra y celebra lealdad di su asociadonan caminda a conmemora e aniversario di nos asociadonan cu a cumpli 5, 10, 15, y 20 aña di servicio cu nos compania den e prome kwartaal di aña.

Pa esnan interesa pa cuminsa nan carera na Aruba Marriott, por bishita www.marriott.com/careers pa aplica.

Aruba Marriott Resort & Stellaris Casino a habri su portanan na aña 1995 cu 411 camber y a añadi 3 camber na 2018. Na aña 1999 a habri Marriott’s Aruba Ocean Club cu 311 camber y na aña 2004 a habri Marriott’s Aruba Surfclub cu 900 camber. Na tur, e famia di Marriott Aruba ta consisti di mas o menos 1,200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio