Home » Detencion di seis hoben den un Hyundai Accent; nan lo a comete destruccion y menasa cu arma di candela

Detencion di seis hoben den un Hyundai Accent; nan lo a comete destruccion y menasa cu arma di candela

by Admin
0 comment 291 views

Dakota/ Paradijswijk – Diabierna marduga a surgi un caso di menasa y probablemente unda cu arma di candela a wordo usa.

Ta asina cu un Hyundai Accent color blanco lo a yega na un adres den Dakota; y causa destruccion y segun e habitante/nan lo a saca arma di candela tambe ariba nan.

Na su turno e esnan na e adres a avisa autoridad mesora. Den algun minuut un patruya a spot e vehiculo aki, debi cu marduga no tin mucho trafico ariba caya y dune un stopteken.

Pero, manera e agentenan a sospecha e auto a dicidi di sigui move cu velocidad halto.

Mientrastanto mas patruya tawata yegadando e ruta unda e auto tawata bayendo. Pasando den Venezuelastraat aparentemente nan lo a tira algo cu posiblemente lo por ta e arma cu a wordo bisa di dje.

E vehiculo a subi Driemasterstraat, di eynan e la bay Madiki Kavel y ta termina cerca di un negoshi den Paradijswijk. A logra para e Accent door di dal e cu e vehiculo policial.

Eynan polisnan a bin logra detene un totol di seis hoben, entre nan un menor. Tur tawata ariba otro den e auto.

Asina mes algun a trata di resisti nan aresto, pero agentenan policial a sa di domina e situacion.

Awor recherche lo start un investigacion ta kiko tur ta andando, cu ta bay den gang y probablemente arma menasa hende den oranan di marduga.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio