Home » Parlamentario Aquanette Gunn cu preguntanan urgente na Minister di Labor, Energia y Integracion, sr. Glenbert Croes

Parlamentario Aquanette Gunn cu preguntanan urgente na Minister di Labor, Energia y Integracion, sr. Glenbert Croes

by Admin
0 comment 77 views

Oranjestad, Aruba — Miembro di Parlamento, sra. Aquannette A. Gunn, ta haci un yamada urgente na Minister di Labor, Energia y Integracion, sr. Glenbert Croes, pa contesta preguntanan critico tocante su maneho di energia pa Aruba.

E preguntanan, cu a keda dirigi na Minister Croes den forma di carta, ta busca claridad riba varios asunto clave, incluyendo e status di Environmental Studies di Eagle LNG, e trabounan di construccion pendiente, y e implicacionnan financiero di e MOU recien firma cu Acciona Energia.

Sra. Gunn ta pidi contesta por escrito y ta spera cu e Minister lo cumpli cu su debernan democratico y transparente pa informa tanto Parlamento como e pueblo di Aruba.

Preguntanan Clave

Eagle LNG: A finalisa e Environmental Studies? Y si e contesta ta si, por comparti e estudio cu Parlamento?

Construccion Pendiente: Kico ta e motibo cu e trabounan di construccion pa e facilidadnan y tuberia no a inicia ainda?

Tarifa di Coriente: Con e retraso den trabounan ta afecta e tarifa di coriente pa e pueblo?

MOU cu Acciona Energia: Ki dia e MOU a keda firma berdaderamente y kico ta e implicacionnan financiero pa Pais Aruba?

Sra. Gunn ta subraya e importancia di transparencia y ta spera cu e Minister ta consciente di su postura di keda sin contesta ta crea un ambiente di desconfiansa y incertidumbre den e comunidad.

You may also like

Our Company

Aruba Native News & Trends.Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio