Hato – Diadomingo algo prome cu mey anochi polis y ambulance ta wordo dirigi cu urgencia panort di E.P.B Hato, pa un auto cu a alcansa un persona.
Na yegada di unidadnan policial, nan ta topa cu un hende homber herida, na e rand di caminda banda pariba.
No mucho leu di dje un Hyundai Accent color blauw cu daño na su parti drechi dilanti.
Mirando e situacion di e victima; presencia di urgente di ambulance tawata necesario.
Nos por a mira cu Paramediconan cu a yega na e sitio tawata haci lihe pa transporta e peaton pa Hospitaal.
Ariba e caminda por a nota varios parti di e auto y tambe slof di e victima a keda gespart.
Polis di trafico ariba piketdienst a presenta na e sitio pa cuminsa su investigacion.
Na stuur di e Accent tawata un dama cu por a ser mira ta duna polis di trafico un indicacion di locual a sosode. Un habitante a conta Arubanative cu e la pensa cu ta un cacho auto a dal.
Situacion di e victima ta serio.
