ORANJESTAD-Un di e metanan pa cu comunidad di e compania di Tax, Assurance & Advisory, BDO Aruba ta di cada bez cu por, enfoca riba ayudo pa hobennan, pa asina fortifica e futuro di e isla dor di duna atencion na e desaroyo positivo di cada un di nan.
BDO Aruba ta participa activamente den yuda organisacionan NGO pa sigui enculca e idea civico di tambe duna un man den e desaroyo di loke ta mayan nos futuro, cu ta e hobennan.
E enfoque pa duna sosten na arte local, na e artista of desaroyo di e hoben, pa bira un artista, ta un prioridad cu a mira su fruto na momento cu e compania a dicidi di regala e tres klasnan di V6 di Colegio Arubano y nan docentenan e oportunidad di presencia Aruba Art Fair 2023, na unda mas di 150 artista local y Internacional ta bin hunto pa luci nan arte.
Aruba Art Fair, ta e plataforma na unda hobennan ta participa den declamacion, pintura, baile y canto y e adulto ta haya e oportunidad di trese su collecionan pa mustra Aruba e arte di creacion.
Di un forma masha structura e directiva di Colegio Arubano a trese e klasnan hunto riba e plein cu musica y e representante di BDO, sr. Jamil Tromp, partner di Assurance & Advisory a dirigi su mes na e studiantenan splicando e importancia di Arte y Cultura pa desaroyo di un pais. Tambe e constancia di e forma di concentracion cu Arte ta trese cune y con esaki por ta di influencia den e bida di e hoben.
Aruba Art Fair lo ilumina e cayanan di Promenade September 8, 9 y 10 cuminsando 7 or di anochi cu musica, baile, arte, pintura, arte cayehero, trucknan di cuminda y pop up restaurant. Tambe lo tin diferente workshops riba cada dia di un diferente artista.
Elvis Tromp lo trese e workshop pa pinta cu palet knife, Gloria Feliciana lo trese e arte pa traha joyas cu seaglass, mientras Erica Moran lo pinta cu binja.
Danki na Colegio Arubano pa a acepta e invitacion di BDO y a coordina di un manera impresionante e merdia aki.
Pa mas informacion encuanto Aruba Art Fair, por bishita e website www. Arubartfair.com of por pasa na Galeria Artisa den Promenade. Carchinan ta obtenible na Citgo Boulevard, Sasaki, Tanki Lendeert, Santa Cruz, Noord, y San Nicolas. Tambe na Plaza Bookstore, Superfood y online riba Artweekaruba.com y Pay.aw.
FIN