Oranjestad – Diaranson mainta Elmar N.V a tene un rueda di prensa pa asina duna un Update di locual a sosode, unda cu un cabel di 60KV (voltahe halto) a wordo daña durante trabounan di mantencion.
Durante e rueda di prensa, a hiba palabra señor Yrausquin cu ta directeur di e compania, Sr. Goeloe cu ta ariba field y tambe Sr. Koolman cu ta hefe di departamento tecnico.
Un press conference basta largo, unda e Elmar N.V su team a splica detayadamente con e incidente cu e cabel di voltahe halto a sosode, y cu tawata trata di un daño enorme y serio cu por a costa bida di hende. Danki Dios esey no a sosode.
Lamentablemente coriente lo bay keda bay
Directeur di Elmar Sr. Yrausquin a bisa na cuminsamento di e conferencia cu coriente lamentabelmente aunke nan no kier e lo bay keda cay afor.
E factornan cu ta hunga e rol den esaki ta, uno ta storing.
Esaki por sosode debi na mantencion esta un incidente cu coriente a cay afo, pero e por ta tambe door di accidente nan di trafico.
Rond di 150 auto ta ranca palo di luz pa aña
Pues, aki pueblo por haya un bista caba cu coriente lo keda bay, sea door di storing manera a sosode algun dia pasa unda un BOA a benta full un bario afo. Door cu diferente animal manera entre otro Yuwana nan ta drenta den e cashinan y esaki ta causa storing, unda cu coriente ta bay.
Chauffeurnan burachi y chauffeurnan cu ta haci uso di cellular, ta esunnan mas tanto envolvi den accidentenan unda palo di luz ta wordo ranca. Y aki Elmar ta haya e “blame”, ora coriente bay pero no ta Elmar den e caso aki pero ta e chauffeurnan cu no ta tene nan mes na reglanan di trafico.
Fuera di 150 palo di luznan cu ta wordo kibra anualmente, tin e parti tambe unda cu trucknan ta pasa ranca waya, causando atrobe cu coriente ta bay.
Pues aki nos por mira cu for di 2018 te cu awe mas o menos un 150 auto ta “ranca” palo di luz pa aña, bo ta papiando cu mita aña coriente ta bay.
Pesey Elmar N.V ta haci un apelacion pa concientisa automobilistanan ariba e consecuencia nan aki. Cual ta causando hopi daño na nos comunidad y sin papia mes di e debe grandi cu e chauffeur/nan ta hinca nan mes aden kibrando un palo di luz coriendo burachi y/of pa motibo di cellular.
E parti positivo ta cu manera coriente cay/bay, Elmar su team ta activa mesora y den un tempo “cortico” coriente ta wordo reestableci. Compara cu den pasado.