Willemstad – Diaranson den oranan di atardi a sosode un caso lamentabel na Corsou, den Havenstraat cu ta keda na Otrabanda.
Locual a sosode ta cu un ex lo a hinca un dama varios biaha rond di su curpa. Ta wordo papia di rond di 7 hinca.
Despues di e hink’a nan ricibi e dama a bay cay na suela, y tawata sangra profusamente unda cu ambulance a wordo pidi cu urgencia.
Na yegada di polisnan e dama a logra splica polis ken a haci’e, y cu ta trata di su ex pareha. E homber lo a top’e y di eynan a start un discusion y aki ta unda e homber a hinca e dama varios biaha rond di su curpa.
Autoridad mesora a cuminsa busca e burdugo. Polis a bin topa cu e homber, unda nan a wordo bisa cu e ta y a start un persecusion. Despues di un persecusion cortico, e homber a accidenta despues cu e la drenta mondi cu auto.
Segun informacion e homber lo a keda seriamente herida. Aki tambe polis mester a pidi ambulance cu urgencia, debi cu e homber(e malechor) a keda seriamente herida.
Mesora a start un investigacion di parti autoridad, mientras cu e dama y e homber ambos lo mester a wordo trata den camber di operacion.