Home » Minister Endy Croes: PRONTO LO INTRODUCI CODIGO DI PROTECCION DEN E MUNDO DEPORTIVO

Minister Endy Croes: PRONTO LO INTRODUCI CODIGO DI PROTECCION DEN E MUNDO DEPORTIVO

by Admin
0 comment 289 views

 

 

ORANJESTAD: Recientemente, Minister di Enseñansa y Deporte Endy Croes a reuni cu Sra. Sue-Ann Ras di Departamento di Mucha y Hoben cu ta encarga cu Codigo di Proteccion (CdP), cual ta enfoca riba e prevencion di abuso di mucha na Aruba. Cu asistencia financiero di Hulanda a traha riba un “toolkit” relaciona cu e CdP pa empodera tur e profesionalnan den e 4 sectornan; husticia, social, educacion y salubridad pa ta mas ekipa y haya mas informacion clave pa anda cu e reto aki. Sra. Ras a acerca Minister Endy Croes cu e peticion pa introduci CdP den e mundo deportivo, mirando e gran interes cu nan mes tin pa esaki. E intencion ta pa cuminsa prepara un plan di implementacion di CdP den mundo deportivo y presenta esaki na nan. Hunto cu Ministerio di Deporte lo bay delinea e proceso, specialmente e lansamento cu ta programa pa 20 di november 2023.  Banda di esaki, lo desaroya un video pa e lansamento cu lo por sigui uza den mundo deportivo, como muestra di compromiso y recordatorio di e importancia di CdP den mundo di deporte. Den e luna di augustus lo tene un otro reunion cu Ministerio di Deporte, unda cu Departamento di Mucha y Hoben (DMH) lo presenta un concepto di plan di implementacion. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio