Havenstraat, Oranjestad:
Diamars den oranan di anochi mayornan di un criatura a nota cu nan yiu muhe di apenas 1 aña a bira hopi malo y no tabata reaciona mas. Mesora nan a pone e yiu den auto y a bay rumbo Hospital.
Na caminda, den Havenstraat na altura di Royal Plaza nan a bin topa cu un polis riba bais, mesora a pidi e polis aki ayudo.
E agente mesora a bati alarma y a pidi ambulance , pero pa motibo cu e ambulance tabata un poco leu y e criatura su situacion tabata mustra hopi serio, e tata a tuma e decision di no warda riba ambulance, pero sigui bay direcion di Hospital.
Dos patruya di polis a core dilanti di e auto di e tata pa asina habri caminda pa nan por yega mas lihe cu ta posibel hospital. Na yegada na Eerste Hulp e mediconan tabata cla sperando pa atende mesora cu e criatura. Segun nos a compronde e baby lo tabata tin e griep pisa cu ta pasando na Aruba y a haya dificultad cu halamento di rosea.
E mama di e baby kende ta na e estado, despues di mester a pasa den tur e stress y angustia pa yega hospital y scapa su yiu, tambe a bira malo y mester a wordo atendi na Polie.
