285
San barbola/ Rooi Afo: Diabierna un poco prome cu 10’or di anochi, habitantenan di un cas na San Barbola a bati alarma pa un candela di mondi cu lo tabata mensando algun cas cerca. Mesora a manda brandweer y polis na e sitio cu maximo urgencia.
Na yegada enberdad e patruya di polis cu a yega prome na e sitio a bin encontra cu un candela di mondi basta grandi, esaki tabata hopi cerca di un cura di cas. Brandweer hopi lihe a yega su tras y mesora a cuminsa combati e candela pa e no sigui expande yega na e casnan un poco mas pabou.
No a dura mucho cu e personal di brandweer a logra domina y paga e candela por completo.
