A sepone caso contra agente policial cu a tira den caya di San Nicolas

by Admin
0 comment 331 views

 

 

Ministerio Publico a dicidi recientemente pa cera (seponeer) un caso penal contra un agente policial cu tabata envolvi den un tiroteo caminda un persona a resulta herida riba 10 di maart ultimo. Tanto e agente policial en cuestion como e victima a wordo poni na haltura di e decision aki. Ministerio Publico a informa tambe alto comisario di Polis.

 

E incidente a sucede durante un persecucion na pia entre dos agente policial y dos persona despues di melding di un kiebro den un edificio na San Nicolas.

Ministerio Publico ta conclui a base di e investigacion di Landsrecherche cu e agente policial en cuestion a saca su arma di servicio di su holster. Mes ora despues e tabata kier a hinca e arma back den e holster. Na momento cu el a hinca e arma back, un tiro a sali cu a dal e victima.

 

E investigacion no ta inclui ningun indicacion cu e agente policial a los tiro intencionalmente y dirigi riba e victima. Pa e motibo ey e no por wordo teni penalmente responsable y e caso a wordo seponeer. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio