Madiki:
Diamars den careda di 11’or y 45 di mainta, na altura di e Supermercado Shopping Delight, e conocido di polis y adicto ambulante Flint Richardson a hinca un homber dos biaha cu un obheto skerpi. Flint a hinca su victima dos biaha na su pia robes, e hincanan tabata basta profundo.
Mesora a bati alarma polis a yega hopi lihe pero Flint ya a bandona e sitio. E victima tabata na e sitio y despues cu polis a mira e dos hincanan, a nota cu ta trata toch di dos hinca basta profundo. Mesora nan a pidi pa ambulance. E victima a wordo transporta cu ambulance pa hospital.
Un rato despues na un adres caminda Flint ta frecuenta e la wordo haya, mesora a polis a detene y a transporte pa warda di polis. Tambe a pidi pa presencia di departamento tecnico di polis na e sitio caminda a detene Flint.
