Home » Fundacion Volunteer Motor Unit Aruba ta oficial

Fundacion Volunteer Motor Unit Aruba ta oficial

by Admin
0 comment 219 views

Oranjestad, Aruba

 

Tabata diahuebs 20 di juli 2023 cu 5 miembro di  

directiva a presenta na oficina di Notario  

Helmeyer pa asina firma y oficialisa e statuto pa  

Fundacion Volunteer Motor Unit bira un realidad.  

E miembronan di directiva ta como lo siguiente;  

  • President: Vladimir de Cuba  
  • Tesorero: Harold Pereira  
  • Secretaris: Milly Koolman  
  • Miembro di directiva: Piërro Maduro  
  • Miembro di directiva: Cesear Luidens  

E grupo di Volunteer Motor Unit Aruba ya pa 10 aña caba ta activo durante diferente actividad  di careda y caminata riba nos isla. E meta principal di Volunteer Motor Unit ta pa mantene  siguridad di e participantenan y di trafico. E grupo di Volunteer Motor Unit ta consisti di mas  o menos 25 miembro cu ta semper dispuesto di duna di nan tempo liber pa trece trankilidad  cerca e participantenan durante diferente careda y/of caminata. Nos mester pone comunidad  di Aruba na haltura cu nos ta haci nos tarea hunto cu Polis y cu autorisacion di Polis.  

Pues nos kier haci un peticion general na nos comunidad di Aruba pa sea consciente den  trafico na momento cu bo mira nos grupo riba e  

careteranan di Aruba trahando pa mantene  

siguridad den trafico y mas importante ainda e  

siguridad di e participantenan durante cualkier  

caminata.  

Masha pabien na cada un miembro cu ta forma  

parti di e famia di Fundacion Volunteer Motor Unit  

Aruba. Reconoce nos na nos uniform oranje cu  

letternan cu ta reflecta den luz.

You may also like