Home » A DETENE 2 HOMBER PA POSESION DI ARMA DI CANDELA Y DROGA

A DETENE 2 HOMBER PA POSESION DI ARMA DI CANDELA Y DROGA

Pueblo kier sa ki dia ta pone man ariba e Big Boss nan mes di e droganan aki

by Admin
0 comment 501 views

Noord – Aruba
Diamars mainta despues di algun siman di tawata bou vigilancia autoridad a drenta dos cas den area di Noord, un tawata na Camay y e otro na Kurimiauw. Esaki un biaha manera den e tantisimo casonan anteriormente, ta relaciono cu bendemento di droga.

“Dwijlen met de kraan open”

Pues aki nos por papia mas tanto di bendedo nan di droga cu ta bende pa un big boss y eynan pueblo kier pa Husticia/ Polis mester yega. Si no, e ora no tin un sense.

Aki ta e relato oficial di parti Cuerpo Policial

“Awemainta enconexion cu un investigacion andando un team di special di Polis Team Bijzonder Project (TBP) a haci un entrada hudicial na 1 cas na Camay y un cas na Kurimiauw.

Den e cas na Camay a encontra droga y a detene un hende homber di inicialnan J.P.E. naci na Aruba di 23 aña di edad.

Na e cas na Kurimiauw a detene un hende homber di inicialnan G.D.S. naci na Aruba di 40 aña.

A haci uso di team di aresto pa por a aresta e sospechosonan. Tambe a haci uso di e unidad di K9.
E sospechosonan a wordo entrega na Unit Narcotica cu lo sigi cu e investigacion.

Pa Cuerpo Policial por resolve mas caso cu cooperacion di e pueblo di Aruba. Esaki ta hopi importante pesey nos ta pidi si bo tin cualkier informacion yama nos tiplijn: 11141”.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio