Avenida Nelson O. Oduber / Ex Sasakiweg:
Diadomingo den oranan di marduga a tuma lugar un boksmento riba Avenida Nelson O. Oduber(Sasakiweg). Chauffeur di e Hyundai Elantra no a regula su velocidad na tempo y a dal hopi duro patras di un Toyota Yaris blanco. E chauffeur di e Elantra, dus esun cu a ocasiona e boksmento aki, a trata na huy, pero no a yega mucho leu. Un poco panort di rotonde Superfood, e la wordo para y mesora a notifica polis.
Hopi lihe polis a yega na e sitio y mientras cu nan tabata atendiendo cu ambos partido, e agentenan policial a nota cu e Hyundai Elantra a cuminsa saca huma y a pega candela. Mesora a pidi pa presencia di brandweer cu hopi urgencia.
E polisnan a ripara cu e chauffeur di e Hyundai Elantra ta bou influencia, nan a haci test di alcohol cu ne y ela supla mas di locual ta permiti. Mesora a detene y e transport’e pa warda di polis.
