240
Oranjestad:
Diahuebs den oranan laat di atardi a sosode un accident cu un persona levemente herida, na altura di e crusada di Emmastraat cu John G. Emanstraat. Esaki tabata pa falta di dunamento di preferencia.
Chauffeur di e SUV biniendo di panort for di Emmastraat a sali dilanti di un Chevrolet Spark, cu tabata riba e caminda di preferencia cu ta John G. Emanstraat. E impacto tabata den banda di e chauffeur di e Spark. Ambos auto a haya basta daño material.
Polis di trafico a presenta na e sitio y tambe a pidi pa presencia di ambulance pa atende cu e persona herida na e sitio.
