EAGLE BEACH, Aruba – Juni 26, 2023 – Bucuti & Tara Beach Resort ta sigui eleva e experiencia di su huespednan door di bira e miembro mas nobo di Regenerative Travel. Esaki ta bini net despues cu e prome hotel den Caribe certifica Carbon Neutral ta ser celebra como e Hotel
No. 1 Hotel den Caribe y No. 18 Mihor Hotel na Mundo segun Tripadvisor. Bucuti & Tara tin hopi aña unda e hotel ta wordo reconoci como un pionero cu ta demonstra cu vacacionnan memorabel y sostenibilidad por ta mutuamente inclusivo.
Door di uni cu Regenerative Travel, Bucuti & Tara ta bira un disu Regenerative Hotels TM.
E mercado ta trece hunto biaheronan, hotelnan, operadornan di tour, agentenan di biahe y otro partidonan interesa cu kier compromete nan mes na experiencianan di biahe cu ta cuida planeta mes un hopi cu nan huespednan. Como un Regenerative Hotel, Bucuti & Tara ta representa:
● Un hotel independiente cu un mision.
Celebrando su 35 aniversario, e fundeshi firme di Bucuti & Tara ta consisti di tres pilarnan: romance, bienestar y sostenibilidad. Ademas, e etos di e hotel ta pa brinda servicio superior na su huespednan, cu e maximo importancia pa su comunidad y medio ambiente. Via e hotel su website, por haya e pagina yama “loke nos no ta,” unda ta bisa cu e hotel ta solamente pa adulto, solamente pa pareha (y no pa grupo), su SandBar ta reserva solamente pa huespednan di resort pa asina semper tin un asiento, y mas. Como un pionero, e resort ta un lider, sea localmente of riba un nivel internacional. Ademas, e ekipo di e hotel a yuda un compania local crea e sistema di panel solar di e resort, creando e sistema di energia renovabel mas grandi den e sector priva. Ora cu e poblacion di cacho y pushi di caya a bira un problema, e resort a lansa Fundacion Stimami Sterilisami y te e dia di awe ta e mayor fundador di
e fundacion, cual a subsidia mas di 35,000 sterilisacion.
● Un compania cu ta haci honor na su hogar.
Bucuti & Tara ta orguyoso di su cas, Aruba. E resort ta anima huespednan pa sali for di e propiedad y goza di tur e maraviyanan di e isla. Pa protehe Aruba su medio ambiente, e propiedad no ta promove tournan di off-roading cu ta daña nos medio ambiente. En cambio, e resort ta promove excursionan priva den naturalesa unda huespednan por siña mas tocante Aruba su flora y fauna local. Espacionan publico y cambernan in arte interactivo y colorido di artista local y internacionalmente aclama, Elisa Lejuez. Pa promove un experiencia culinario autentico local, e hotel a introduci nan buffet AutenticomArubano & Caribense na Elements Restaurant, cual ta inclui un coleccion di recetanan familiar di e cokinan di e restaurant. Ora localnan aproba, huespednan sa cu e ta bay ta un punto culinario autentico sobresaliente. Mas recientemente, e resort y su propietario a sponsor y doneer aproximadamente 120.000 m2 di tereno eigendom pa forma e Bucuti & Tara – GMC Nature Preserve. Esaki lo bira un sink di carbono pa e hotel y isla.
● Un etos di servicio.
Na cualkier dia, huespednan ta bini for di 25 pais diferente mundialmente. Trahadornan di Bucuti ta tuma e oportunidad pa conecta cu nan sea door di un idioma comparti, necesidadnan dietetico especifico of tradicionnan cultural. Cada pareha ta asigna un concierge personal. Desde prome cu e huesped yega e isla, e concierge ta traha cu nan pa descubri nan deseonan. E meta ta pa cada huesped tin un experiencia cu lo enrikece nan y por duna nan perspectivanan nobo cu nan por tuma bek na nan propio comunidad. Un ehempel ta cu e resort ta regala cada huesped un boter reusabel cu e resort su logo. E iniciativa aki ta preveni 290,000 boter di awa di un solo uso wordo usa y descarta anualmente. Huespednan ta stima hiba nan boter reusabel bek y ta sigui uz’e despues di nan vacacion, manera ta evidencia den potretnan
comparti riba social media.
● Un vakantie cu balor.
Sea ta e balor di e tarifa, cual e resort nunca ta desconta y cu no tin fees nan extra, cual ta asegura cu cada huesped ta recibi e mesun prijs husto; of e balor di e resort su programa di sostenibilidad cu ta asina solido cu Nacionnan Uni ta yam’e “altamente replicable y
escalable,” Bucuti & Tara kier e miho pa su huespednan. Como un experiencia di biahe regenerativo, e ta invita cada huesped na su limpiesa di beach mensual, ta yuda nan descubri y aboga pa tortuganan di lama Leatherback cu ta anida na su beach, of ta anima nan pa Pack for a
Purpose door di trece articulonan necesario pa e muchanan di Imeldahof.
“Bucuti & Tara Beach Resort ta felis pa uni cu Regenerative Travel, pa asina por intercambia practicanan di sostenibilidad cu otro miembronan, y pa conecta huespednan cu un vacacion yena cu autenticidad culinario, arte, excursionnan, comunidad, cuido ambiental y unda nan etos ta comparti y honra,” Ewald Biemans, Doño/CEO di Bucuti & Tara Beach Resort, ta conta Fundador y CEO di Regenerative Resorts, Michael Phillips, a comenta, “Nos ta duna un bon bini di curason na Bucuti & Tara Beach Resort na nos colectivo di propiedadnan excepcional y exclusivo. Nan dedicacion inigualabel na sostenibilidad y nan compromiso na brinda calidad y servicio sobresaliente ta alinea
perfectamente cu nos mision pa redefini hospitalidad atraves di practicanan regenerativo. Huntu, nos lo inspira cambio positivo y habri caminda pa un futuro mas sostenible.”
Uniendo cu Regenerative Travel ta oportuno pa e resort. Un estudio reciente di Sustainable Travel door di Expedia a mustra cu 90% di consumidornan ta buscando opcionnan sostenible y ta busca hotel, transporte, restaurantnan, y excursionnan cu ta alinea cu nan propio compromisonan personal na sostenibilidad.
