MEI 2023 DEN COMPARACION CU 2019 Y 2022
Den luna di mei 2023 nos destinacion a ricibi un total di 94,385 bishitante “stay-over”. Si compara luna di mei 2023 cu mei 2019 – cu tabata e ultimo aña normal di turismo, por mira cu Aruba a recupera 107% di locual a wordo ricibi na mei 2019, cu ta indica un crecemento di 7%.
Si compara mei 2023 cu mei 2022 por wak un recuperacion di 103% cu ta indica un crecemento di 3%.
MERCADONAN Y CATEGORIANAN DI ACOMODACION
Den mei 2023 83.3% di e total di e bishitantenan “stayover” pa Aruba a bishita for di Norte America, 5.2% a bishita for di Europa, 8.8% a bishita for di Latino America y 2.8% tawata procedente di otro partinan di mundo.
Mirando e categorianan di acomodacion, den mei 2023 27.8% di bishitante a keda den hotelnan European Plan, 19.8% a keda den hotelnan All-Inclusive, 26.7% a keda den Timeshare y 25.7% a keda den otro tipo di acomodacion, conoci tambe como vacation rentals.
VACATION RENTALS
Ta importante pa menciona cu A.T.A. tin acceso na un plataforma unda por wak e cantidad di cas, apartamento y villas cu ta wordo uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera.
Si compara mei 2023 cu mei 2022 por wak cu e prijs averahe di e acomodacionnan aki a crece cu 21.1%, for di un prijs averahe di $213 pa anochi na mei 2022 pa un prijs averahe di $258 na mei 2023. Si compara mei 2023 cu mei 2019, por wak cu e prijs averahe di e acomodacionnan aki a crece cu 66.5%, for di un prijs averahe di $155 pa anochi na mei 2019 pa un prijs averahe di $258 na mei 2023.
Si compara mei 2023 cu mei 2022 por wak cu e ocupacion averahe di e acomodacionnan aki a disminui cu 3.1 punto di porcentahe, for di un averahe di 52.6% na mei 2022 pa un averahe di 49.5% na mei 2023. Si compara mei 2023 cu mei 2019 por wak cu e ocupacion averahe di e acomodacionnan aki a crece cu 5.9 punto di porcentahe, for di un averahe di 43.6% na mei 2019 pa un averahe di 49.5% na mei 2023.
Den caso di entrada, si compara mei 2023 cu mei 2022 por wak cu e categoria a genera un crecemento den entrada di 34.0%. Si compara mei 2023 cu mei 2019 por wak cu e categoria a genera un crecemento den entrada di 219.1%.
Vacation Rentals
2019 2020 2021 2022 2023
ADR $155.00 $191.00 $198.00 $213.00 $258.00
Occupancy 43.6% 8.8% 42.7% 52.6% 49.5%
Revenue $4,781,643 $1,240,814 $7,491,387 $11,477,648 $15,260,356
Source: A.T.A. (Transparent)
2023
Den e prome 5 lunanan di 2023, Aruba a ricibi un total di 510,033, bishitante “stayover”, esaki ta un crecemento di 7.0%, compara cu e prome 5 lunanan di 2019, unda a ricibi 476,679 bishitante “stayover”. Si compara e prome 5 lunanan di 2023 cu e prome 5 lunanan di 2022, por wak un crecemento di 19.5%, bayendo for di 426,799 bishitante “stayover”pa 510,033 bishitante “stayover”.
Aruba ta sigui como un di e top destinacionnan cu a recupera despues di e pandemia pero mester tene cuenta cu Aruba a strategicamente tuma e pasonan corecto pa beneficia optimalmente y exitosamente di e hamber pa biaha durante y despues di e pandemia, un fenomeno temporal. Turismo ta sigui ta fuerte pa Aruba, y lo regresa na tendencianan mas normalisa despues di a mira e efecto post-pandemia.
Pa ricibi A.T.A. su ‘Statistical Monthly Report’ tur luna, por contacta Melanie Kelly na [email protected]