259
Paradera – Diasabra den oranan di atardi polis y ambulance mester a bay un adres na Paradera. Esaki tawata relaciona cu un caso di maltrato.
Ambulance cu a yega prome a keda warda un rato pa bay hunto cu e patruya e adres corecto.
Na yegada di tanto polis y ambulance nan a bin topa cu un cabayero, cu un posibel fractura na su brasa drechi.
Na e sitio agentenan lo a wordo informa di locual a sosode, esta cu un of mas hende lo a yega y maltrata e homber pa despues bay mesora.
Paramediconan a yuda e homber subi e ambulance pa asina wordo atendi.
Polis a tuma e datonan y a splicanan e procedura pa haci denuncia di maltrato contra esnan culpabel.
E motibo ta desconoci.
