Rudolf Arendsstraat – Diadomingo anochi polis y dos ambulance a bay panort di Top Car, pa un accidente di trafico.
Polis a topa na yegada un Hyundai Accent color cora, pa un of otro motibo e auto a baha caminda y bay dal contra e muraya di e supermarket eybanda.
E impacto tawata contra e skina di e edificio.
Den e auto tawata tin dos señora, y ambos a resulta levemente herida.
Segun testigo
Na e sitio un testigo a conta cu e chauffeur cu ta un di e señoranan den e auto lo a sinti su mes malo, debi cu e la haya un dolor.
Esaki posiblemente lo por a causa cu e la perde control ariba e vehiculo.
Dos ambulance a presenta pa por a duna asistencia na e dos señoranan.
Daño material na e Hyundai Accent si ta considerabel y e muraya a sufri daño den e sentido di algun rasca y cement cu a kita.
Polis di trafico tambe tawata na e sitio pa tuma datos di e accidente.
