Sabana Berde – Diabierna anochi rond di 10:30 polis a bay e crusada di Pricesmart, pa un boksmento di auto.
Na prome instante a wordo bisa cu lo ta trata di un accidente pisa. Esaki tawata debi na e zonido duro. Bomberonan na e Kazerne mesora a sali tira bista pa mira kiko a pasa.
A resulta cu no tawata trata di un accidente pisa manera a pensa.
Polis na yegada a topa cu 2 pickup Chevrolet S10. Uno tawata tin hopi daño material dilanti, mientras e otro cu a bay para mas leu e daño tawata minimal.
Locual a sosode ta cu e pickup color blanco lo a subi caminda sin duna preferencia, poniendo cu e otro S10 a dal su tras e banda drechi.
Mientras cu e S10 color blanca a haya algun rasca y un deuk chikito, e otro S10 a kibra hopi dilanti.
Polis di trafico a presenta na e sitio pa tuma datos. Na e sitio nos a compronde cu chauffeur di e pickup cu a dal tras di esun blanco a bisa polis cu e la bebe un X cantidad di alcohol.
