Macuarima:
Diaranson den oranan di anochi na altura di e rotonde di Macuarima, un pickup blanco maneha pa un homber pa un of otro motibo a perde control y a drenta mondi cu su pickup. E habitantenan despues di a scucha un zonido hopi fuerte a core bay mira y a bin topa cu un pickup pega den mondi. E pickup a hera dal contra un palo di luz, e chauffeur tabata mustra bou influencia.
Mesora a pidi pa presencia di polis, na yegada enberdad polis a ripara cu e chauffeur tabata bou influencia, pero e chauffeur a keda calmo y a coopera completamente cu polis. Pa e motibo aki y e chauffeur tabata basta cerca di su cas, polis a dicidi di dun’e un lift pa su cas pa e bay drumi y mainta pasa busca su yabi auto na warda di polis y pa asina e por busca su pickup.
