Bushiri Complex – Diaranson den oranan laat di anochi, patruyanan di Playa a bay un adres den apartment complex situa na Bushiri.
E motibo cu polis a bay eynan tawata debi cu pa algun dia caba nan no ta mira un habitante.
Den oranan di diaranson anochi laat, un amigo di e habitante cu ta un dama, lo a yega y ya pa varios dia cu a ta presenta na e adres e persona no ta habri.
Bisiñanan a trata di mira paden, pero sin resultado. E airco tambe tawata paga.
Debi na e ora laat, parse cu no ta posibel pa por a localisa un persona di FCCA, cu lo por a yega y asina bou nan autoridad habri of kibra e porta.
Door di esaki, e ultimo recurso a bira pa contact Brandweer, cu a yega basta lihe.
Bomberonan a analisa e situacion, pero no a logra haya nada habri y mester a bay over na kibra e porta.
Una bes paden, no a bin topa cu nada particular o sea paden e muhe di fam D. no tawata tey. Y na e sitio tawata wordo bisa cu ya pa mas di 3 dia no a wak e mas.
Tambe niun hende e momento eynan por bisa si e tin famia pa yama puntra.
Autoridad a tira bista paden hunto cu bomberonan, pero manera nos a bisa anteriormente no a haya niun hende.
Na final bisiñanan a yuda cera e porta cu a wordo kibra, usando un boormachine. Esaki bou presencia di polis cu puntra ken por yuda.
Unda e dama ta no ta conoci.
