Home » Tubonan di e toren di antene di radio amateur na e cas na Montaña, tabata den hopi mal estado

Tubonan di e toren di antene di radio amateur na e cas na Montaña, tabata den hopi mal estado

by Admin
0 comment 108 views

Montaña

Diahuebs den oranan di merdia despues cu e meneer Aleman a bin abou cu e toren y a fayece na su cas na Montaña. Autoridad presente a bin ripara cu e tubonan ariba di e torennan ta den hopi mal estado. E tubonan ta hopi frustia, esaki lo a causa cu ora e meneer a bira malo y lo a leun na e tubonan di e toren, esakinan a dobla y a kibra, cu consecuencia cu e meneer tambe a bin abou, pero no a yega vloer pa motibo cu e tabata tin un harnas bisti y a keda colga.

E parti abou di e toren ta mustra bon, pues den un bon estado y posiblemente lo a haya su mantencion debido, pero ariba e salpeter a dañe hopi. Esaki ta pone cu e structura ta bira swak, unda cu laat of trempan lo kibra.

Pa e motibo aki a pidi pa presencia di DTI, pa haci e investigacionnan necesario, DTI a presenta y despues di a caba cu nan investigacion a  keda di avisa DTZ tambe.

Esaki no ta prome biaha cu algo asina aki ta sosode na Aruba, algun aña pasa tambe un meneer a cay for di un toren di antene di radio na Ponton. Lo ta bon pa tur radio of esnan cu tin antenenan di radio amateur pa regularmente controla e tubonan di e torennan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio