Ladron a drenta den cas y ora cu e habitantenan a descubri’e, e la agredi un habitante

Bushiri:

Dialuna den ora di madruga ladron a drenta un cas na Bushiri, ora e la wordo descubri pa e habitante, a surgi un confrontacion, den cual e ladron a agredi un di e habitantenan. Mesora nan a a pidi pa presencia di polis.

Na yegada e habitantenan a conta polis kiko a sosode, tambe dos di e habitantenan tabata tin mester di atencion medico. Un cu a wordo agredi pa e ladron y e otro cu lo a bira malo di e situacion fastioso cu nan mester a pasa aden. Polis a pidi pa presencia di un ambulance.

Mientras tanto cu e paramediconan di ambulance tabata trata e victimanan na e sitio. E patruya di polis a sali bay busca den vecindario si nan por topa cu e ladron.