Pos Chikito – Green Corridor, Diasabra anochi laat automobilistanan a tuma nota di un cabayero jong canando cu 2 maleta altura di rotonde di Pos Chikito, dado momento e tawata haci maniobranan peligroso.
Varios auto tawata baha velocidad pa mira kiko ta pasando. Esaki tawata prome altura di e rotonde.
Segun e minuut tawata pasando, e homber aki a sigui bay mas pabou pues e parti di Green Corridor cu ta bira e caminda principal.
Por a scucha e homber hoben gritando yen cos straño y rato rato e tawata yora tambe, mientras e ta lastra maleta.
Peligroso
Dado momento e situacion a bira tenso y peligroso, ora cu e homber a bay “drumi” ariba e caminda grandi. Akinan trafico a tranca, autonan mester a hala pa nos dal e. Un auto a sufri daño minimo ora cu e homber a manda un di e maletanan ariba un auto, y ta dal e windshield.
Forensys mester a presenta pa mira e daño haci.
Polisnan a papia duro cu e homber cu parse no kier a rasona y tawata keda pusta boca cu e agentenan, aki no a keda nada otro pa detene y evita un drama ariba e caminda.
Segun informacion na e sitio e hoben ta pensa of di un of otro manera a tende cu su mayornan lo kier interne den Respaldo, y e no ta desea esey.
Transportwagen a yega y a bay cu e homber, unda cu si ta bon lo mester a avisa Slachtofferhulp pa yuda.
