Home » E DECISION PA CERA JOHN WESLEY COLLEGE NO TA DI MINISTER ENDY CROES, SINO DI SPCOA

E DECISION PA CERA JOHN WESLEY COLLEGE NO TA DI MINISTER ENDY CROES, SINO DI SPCOA

by Admin
0 comment 106 views

ORANJESTAD: Durante Conferencia di Prensa di 8 di mei 2023, Minister Endy Croes a elabora riba e caso di scol secundario John Wesley College na San Nicolas y a indica cu John Wesley ta resorta bou di Stichting Protestants Christelijk Onderwijs Aruba (SPCOA). Pues, E e decision pa cera John Wesley College no tabata di Minister Endy Croes, sino di SPCOA. E mandatario di Enseñansa a ricibi un carta di parti SPCOA, unda nan ta informa di e situacion di e scol. SPCOA a haci un peticion na Minister di Enseñansa pa warda un rato pa nan maneha e caso internamente. Minister Endy Croes a señala cu segun e tabel cu SPCOA a presenta, na aña 2018 y 2019 ainda e scol tabata conta cu 225 alumno, cual un scol por maneha di acuerdo ley. Lamentablemente, e aña aki e cantidad di alumno a baha te na 64 alumno. SPCOA a avisa cu nan no por maneha John Wesley College cu 64 alumno. E ta un perdida di placa y e operacion no por want’e. Ademas, segun e tabel por observa cu mayoria di alumnonan cu ta termina scol basico Graf von Zinnendorf, no ta bay John Wesley College despues. SPCOA a yega na e conclusion cu ta miho pa cera e scol. Pues, ta un decision cu Minister di Enseñansa Endy Croes no ta forma parti di dje. Tambe, nan a informa cu a parti e 64 alumnonan entre Abraham de Veer y Filomena College y a percura pa tur docente haya un trabou, pues ningun docente a keda sin trabou.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio