209
Tamarijn – Diasabra merdia polis y ambulance a bay pura direccion Bloemond pa Tamarijn, unda un turista a accidenta cu quadracer.
Na yegada di polis, nan ta tuma nota di
un dama turista drumi ariba su barica na banda di caminda. No mucho leu un Chevrolet Spark cu daño parti dilanti.
Paramediconan cu a yega na e sitio mesora a bay atende cu e dama, cu tawata boca abou y herida. Poco poco nan a bir’e y a pone ariba e brancard.
Na e sitio nos a compronde cu e dama turista ariba e quadracer a kita bay na su man robes y dal contra un Chevrolet Spark staciona.
E dama lo tawata den un grupo chikito conociendo e Isla.
Polis di trafico a presenta y despues di algun rato ambulance a sali direccion Hospitaal cu e turista.