Chauffeur burachi deteni despues di a dal cu su auto contra un palo di luz y a kibra esaki den dos

Spaans Lagoen:

Diabierna den oranan di anochi un homber tras di stuur di un Pickup berde pa un of otro motibo a baha caminda y a dal contra un palo di luz y a kibra esaki den dos. E parti ariba a keda gesteun na e parti di abou. E wayanan di coriente a keda colga riba caminda y tabata saca chispa di candela. 

Mesora a pidi pa presencia di polis y di Elmar, pa desconecta e wayanan cu tabata colga riba caminda y tabata saca chispa di candela. Elmar a presenta hopi lihe na e sitio y a cuminsa cu e trabounan necesario y tambe a pone un palo di luz nobo.

Polis di trafico tambe a presenta na e sitio y a despues cu polis a nota cu e chauffeur tabata bou influencia nan a detene y a transport’e pa warda di polis.