Pos Chikito:
Diamars den careda di 11’or y mey di anochi a sosode un accidente basta serio riba e caminda di Green Corridor, net prome cu e brug di Fredis Refuñol. Un motociclista biniendo for di e rotonde Pos Chikito bayendo direcion pabou cu velocidad halto a perde control cu su brommer, dal contra e muraya memey caminda, cay y a keda lastra como 400 meter mas dilanti.
E motociclista a keda seriamente herida, cu varios kap y corta na su curpa y cabes. E tabata sangrando bastante, mesora esnan cu a mira e accidente aki sosode a bati alarma. Polis y ambulance a yega hopi lihe na e sitio. Polis mesora a cera e caminda di Rotonde Pos Chikito pa rotonde Drive In pa asina e paramediconan por a traha cu e victima.
E paramediconan a prepara e victima y cu sumo urgencia a transport’e pa hospital. Na e sitio tabata tin familiares y amigo cu a yega of sea tawata un poco mas patras. E momento eynan cu tawata tin basta amigo y famia a pidi presencia di Slachtofferhulp.
Na e muraya caminda cu e la dal prome cu su brommer tabata tin rastro di sanger y riba e caminda un cantidad di parts di e brommer a keda gespart rond tanto panort y pazuid di caminda.
Despues cu polis di trafico a termina su investigacion por a habri caminda y dimes bay cu e brommer tambe.
