ORANJESTAD, Dia 28 y 29 di april, a tuma luga e torneo di volleybal entre departamentonan di gobierno organisa pa Commissie Korpsviering Aruba. Minister Endy Croes a pasa pa presencia e weganan aki y duna sosten na e hungadonan. E ekiponan cu a bataya pa conkista e titulo di campeon di e toreno ta, entre otro, polis, ambulance, brandweer, CEA, Arumil y Pret Pakket. Â
Na club POVA tabata reina un tremendo ambiente. Sigur un iniciativa positivo pa tene e mente di e empleadonan di gobierno sano door di practica deporte. Minister Endy Croes a enfatisa cu e ta hopi contento di mira cu deporte den e departamentonan di gobierno ta hayando su luga.Â
Concluyendo, Minister Endy Croes ta gradici Commissie Korpsviering Aruba pa e invitacion y caluroso recepcion. Alabes ta felicita Arumil, ganado di e torneo. Na di dos luga a keda e ekipo di Pret Pakket y na di tres luga e ekipo di CEA.Â
