Great Rich, un sitio nocturno hopi bon bishita, pero ultimamente tur weekend ta pidi pa presencia di polis na Great Rich, pa problema of pelea, e weekend aki no tabata diferente, atrobe tabata tin bringamento.
Paradera:
Diasabra den careda di 2’or y mey di marduga, a start un pelea den e bar nocturno Great Rich na Paradera.
Segun nos a compronde na e sitio, cu dos homber a cuminsa pleita tocante un muher. Aki a start un pelea cu a bay for di man.
Mesora a pidi pa presencia di polis. Varios unidad di polis a presenta na e sitio. Na nan yegada e situacion a calma, un homber cu a falta autoridad respet a wordo deteni. Transportewagen di polis a transport’e pa warda di polis.
E polisnan na e sitio ⁵a nota cu e luga no por tin permiso mirando cuanto hende tabata tin den e luga. Polis a bin topa cu un banda tocando y a dicidi di controla e papelnan di e luga. E luga no tabata tin permiso pa opera cu un banda live den e establecimento.
Pa Diasabra anochi tambe lo tabata tin un fiesta cu banda planea. polis a consehanan pa cancela esaki pa te ora nan regla e permiso.
Polis a cera e establecimento a y a bisanan pa regla e permiso prome, cu nan habri y pone banda toca paden.
