Noord – Diaranson den oranan di merdia algun persona den vecindario di e botica situa cerca di e bar restaurant a avisa polis di un situacion no usual.
Banda pazuid di caminda, tin un tent cu algun potoshi rond di dje. Eyden ta biba un homber, cu semper ta cana rond eybanda y ta hopi pasivo y alabes toch basta keri.
Locual cu nos kier trece dilanti ta cu e homber aki yama Delfino Young; y e la “desaparece”. Tabata despues di 2’or y mey cu ta ultimo biaha cu e mira Delfino. E bisiñanan eybanda ta hopi preocupa y pa e motibo aki a bati alarma, mesora polis a cuminsa busca rond y a busca te den area di unda antes e tabata biba na Turibana, pero sin resultado.
Tambe polis a wordo informa cu den oranan di merdia, un conoci di polis lo yega na e tent y tawata busca algo, tawata trata di e conocido di polis G.Perez. Polisnan no a topa ni cu ne y ni cu Delfino na nan yegada diaranson merdia.
Agentenan a tira bista rond den e mondi parti patras y no a haya nada, mirando cu ta den dia nan a pensa cu e lo por a cana bay un caminda y lo ta bin bek.
Diaranson anochi a cera y nada di Young
Aki ta unda cu e situacion a cambia por completo.
E mesun conoci di polis a bolbe na e tent den oranan di anochi y atrobe e tawata busca rond. E biaha aki polis mes a bin topa cu ne na e tent di Delfino, e polisnan mesora a bay atende cu ne, e tawata poco mas patras den e mondi., nan a papia basta largo cu ne y a lag’e bay.
Polisnan a papia cu e bisiñanan y nan lo a informa polis di locual nan mira y tambe e ultimo biaha/ora cu e lo a wordo mira.
Tur dia “nan” ta pasa laga awa y cuminda(pizza) pa Delfino. Diaranson anochi ainda e pizza y e boter di awa tawata poni mescos, algo cu no ta cuadra at all. Segun e habitantenan, Rode Kruis tambe sa pasa na e tent, un indicacion cu posiblemente Delfino ta registra na Rode Kruis y nan lo por tin mas dato di dje.
Den oranan laat di anochi, e polisnan a tira un bista atrobe den e rooi patras di e bar restaurant, ya mucho cos no por a haci, debi cu mester baha den rooi y busca, pero ta hopi scur. Tambe e paña cu Delfino tin bisti ta manera camouflahe y den oranan di anochi den e scuridad no ta facil pa haya.
Kiko por a pasa Delfino Young no ta conoci
Si bo persona por sa algo mas of por a mira Delfino Young despues di 2’or y mey di merdia, please avisa polis, yama tiplijn of 100.
