Home » Minister di Cultura Xiomara Maduro: Bunita celebracion na honor di Dia di Rey

Minister di Cultura Xiomara Maduro: Bunita celebracion na honor di Dia di Rey

by Admin
0 comment 93 views

 

 

Diahuebs 27 di april ultimo a celebra Dia di Rey na ocasion di e fecha natalicio di Su Mahestad Rey Willem Alexander. Comision Celebracion Dianan Nacional a prepara un bunita programa en conexion cu e celebracion aki hunto cu Comision Copa Hubenil Gobernador Felipe B. Tromp. Minister di Finansa y Cultura S.E. Sra. Xiomara Maduro hunto cu Comision di Recepcion y Alto Mando Policial a ricibi Su Excelencia Gobernador Juan Alfonso Boekhoudt y su distinguido esposa na nan yegada na Parke Wilhelmina.
Cu presencia di e.o. Prome Minister sra. Evelyn Wever-Croes y mas miembronan di Conseho di Minister, Miembronan di Parlamento, representante di Cuerpo di Marina Real y Cuerpo Consular, e acto protocolar a inicia cu presentacion di Himno di Hulanda, sigui pa Himno di Aruba cualnan a wordo acompaña musicalmente pa Cuerpo di Marina Real. Presidente di Parlamento mr. Edgard Vrolijk a hiba palabra y a expresa felicitacion na Su Mahestad den nomber di comunidad Arubano. Tabata tin presentacion di “Grupo di baile Dazzling Dancers” di nos hobennan bou direccion di sra. Jeanique de Palm cu a presenta dos baile, Zigg Zagg y Folklore. Despues a sigui e otorgamento di premio Copa Hubenil Gobernador Felipe B. Tromp, kende a keda den nomber di grupo Rough Riders Aruba y un extra premio na e hobencita Rebecca Jansen y premio estimulo a bay pa hobencita Angela Geerman. Minister Xiomara Maduro ta gradici organisadonan y nos talentonan hubenil pa nan bunita presentacion y un biaha mas ta expresa palabra di Pabien na nos Rey Willem Alexander y comunidad celebracion Dia di Rey 2023.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio