Polis a bay bar restaurant na Paradera pa pelea grandi

Paradera – Dialuna den careda di 12:30 di mey anochi, varios unidad policial a bay Great Rich na Paradera pa un pelea grandi.

Polis den algun minuut a yega e bar restaurant cu ultimamente ta den noticia. Algun dia pasa tambe den oranan di marduga polis a efectua tres detencion dilanti porta di e establecimiento.

Dialuna marduga cu polisnan a yega, nan a wordo informa door di esnan presente cu ya esnan cu a bringa a bay di e sitio, ora nan a scucha cu polis ta na caminda.