Home » Auto a bolter na rotonde Superfood, chauffeur herida a wordo transporta pa hospital

Auto a bolter na rotonde Superfood, chauffeur herida a wordo transporta pa hospital

by Admin
0 comment 128 views

Bubali:

Dialuna den oranan trempan di mainta a sosode un accidente na e rotonde dilanti Superfood. Un Nissan March maneha pa un homber hulandes, a bolter. Mesora a pidi pa presencia di polis y ambulance pa motibo cu e chauffeur y e dama ocupante lo tabata herida.

Na yegada di polis nan a nota cu e chauffeur di e Nissan March tabata bou influencia y tambe na e sitio nan a bin compronde cu e chauffeur di e Nissan March tabata acercando e rotonde cu velocidad hopi halto y no lo a pone tino cu e ta acercando e rotonde, e la hala na su man drechi hera un palo di lus, trata na subi caminda bek pero a dal e siguiente palo di lus y a caba ta bolter.

Den e impacto e chauffeur y e ocupante ambos hulandes a keda herida. Paramediconan di ambulance a trata e dama na e sitio. E chauffeur na prome instante no tabata desea asistencia medico di ambulance, pero hopi lihe a cambia di idea, despues cu e tambe a wordo trata na e sitio, a dicidi di transport’e pa hospital pa e ricibi tratamento medico mas avansa.

Elmar a presenta pa haci cuminsa haci reparacion na e palo di lus y e wayanan cu a wordo ranca durante e impacto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio